Покетино: Меси? Што и да кажам, погрешно ќе ме сфатите

Маурисио Покетино од пред извесно време е на чело на францускиот шампион Пари Сен Жермен, клуб кој се поотворено, поогласно зборува за можен ангажман на Лионел Меси кој е во последните месеци од актуелниот договор со Барселона.

Дел од медиумите веруваат дека Покетино може да биде клучот да преселбата на Меси во Париз, поточно да го убеди сонародникот на ваков потег. Аргентинскиот стратег одново доби конкретно прашање на оваа тема и ја остави отворена вратата за Меси на „Паркот на Принцовите“.

-Што и да кажам на оваа тема, ќе бидам погрешно разбран, па затоа не би зборувал премногу. Задоволен сум од играчите што ги имам во тимот, но немам дилема дека врвните играчи, како што е Меси, лесно можат да се вклопат во кој било тим, -истакна Покетино за „Марка“.