„Петка“ на Симиќ, Ребец донесе драматична победа за Златибор (ВИДЕО)

Теодор Симиќ и неговиот Борац Бања Лука го загубија првиот меч на „балонот“ во АБА2 лигата што се игра во Нови Сад.

Во првата средба на овој турнир видовме вистинска драма која беше одлучена во последен момент и тоа со кошот на Јан Ребец кој донесе славје на Златибор Чајетина од 81:79.

Jan Rebec FOR THE WIN!

Presented by Mastercard | NLB@KKBoracBL | @ZlatiborKk #ABALiga2 pic.twitter.com/GSvRrQKeWb

— NLB ABA League 2 (@ABA_League2) January 29, 2024

Ова беше дуел во кој решаваа мали нијанси, па и среќа која беше на страна на Златибор кој сега има учинок 7-1 во ова натпреварување со што е лидер на табелата.

Македонскиот репрезентативец Симиќ кој полека се враќа во ритам по долгата пауза поради здравствени проблеми, постигна 5 поени, собра 6 скока и забележа 1 асистенција за 10 минути на теренот.

Бошковиќ со 22 беше негов најефикасен соиграч, додека кај победникот се издвои Стојичиќ со 15 кошеви.

Борац во наредното коло ќе се соочи со Широки Бријег.