„Петарда“ на „Сантијаго Бернабеу“ за десетто славје на „кралевите“ (ВИДЕО)

Фудбалерите на Реал Мадрид издвојуваа убедлива победа над Валенсија (5-1) во последната средба од денешната програма од 13. коло во шпанската Примера.

„Кралевите“ во минатата рунда направија кикс против Рајо Валјекано и се освен триумф на вечерашниот меч ќе беше голем неуспех за избраниците на Анчелоти кои одиграа на ниво, ги искористија шансите кога беше најпотребно и ги освоија посакуваните три бода.

Винисиус Жуниор и Родриго дадоа по два гола и тоа во 42, 49, 50 и 84 минута, а во листата на стрелци се запиша и дефанзивецот Карвахал. На другата страна пак погоди Дуро за кого може да се каже дека беше и трагичар на овој дуел на кој имаше четири-пет добри прилики, ама искористи само една и тоа во 88 минута кога го постави конечниот резултат.

What a goal from Duro to pull one back for Valencia against Real Madrid

5-1pic.twitter.com/sZ2ui9exKc

— FansArena (@Fans_Arena4) November 11, 2023

Реал со 32 бода останува на втората позиција зад најголемото изненадување Џирона (34), додека пак трета е Барселона со 27, но и со натпревар помалку оној утрешниот против Алавес на „Монжуик“.