Пења за Шчесни: Тој е феномен…

Ињаки Пења веќе некое време е прв голман на Барселона и тоа откако потешка повреда заработи капитенот Марк Андре Тер Штеген.

Оваа сезона е завршена за Германецот, па шпанскиот прволигаш ангажираше едно проверено, докажано име како соодветна конкуренција за Пења и тоа е Војчех Шчесни. Полјакот иако официјално беше во пензија го прифати повикот од Барселона и сега се обидува да се наметне кај Ханси Флик.

Флик веќе порача дека Шпанецот засега останува прв избор, Шчесни сигурно ова ќе сака да го промени, а пак Пења е подготвен да одговори на предизвикот.

-Како личност, тој е феномен. Знаеме дека тој е голман со големо искуство, кој има играно за многу европски тимови на ниво на Лигата на шампионите и ќе ни помогне. Во однос на конкурентноста, ние тренираме 100 проценти, така што тренерот ни дава можности и тој одлучува. Денес е мојот ред и ќе видиме што ќе се случи во иднина, никогаш не знаеме.

-Тој дојде да се натпреварува, да помогне, клубот ја виде можноста да потпише со него и со него на лично ниво ми оди многу добро и сум среќен, -порача Ињаки.