Педри за асот на Реал кој се поврзува со каталонците: Сите добри играчи треба да бидат во Барселона

Шпанскиот великан Барселона се поголем фокус става на играчите кои може да ги добие без обештетување, односно играчи на кои им истекуваат договорите и како слободни агенти можат да ја изберат новата средина.

Каталонците следат доста фудбалери кои се во таква позиција во 2023 година, а еден од нив според медиумите е Марко Асенсио. Офанзивецот веќе подолг временски период го носи дресот на Реал Мадрид и ќе биде интересно ако директно заврши во лутиот ривал.

„Кралевите“ засега се прва опција на Марко, ама клубот ќе мора да се потруди да ги задоволи неговите желби. Меѓутоа се додека е отворено ќе има разни информации, врева на оваа тема на која свој коментар имаше Педри Гонзалес.

-Мора да видиме што ќе се случи со договорот на Асенсио, ама мислам дека сите добри играчи треба да играат во Барселона. Дали ќе го убедам да дојде кај нас? Не сум баш за тие работи, да убедувам некого, -истакна Педри.