Педри отпадна од комбинација за дербито со Валенсија (Фото)

Ханси Флик уште вчера најави дека ќе одмори повеќе стартери и дека еден од нив ќе биде и Педри, но 24 часа подоцна стана јасно дека германскиот стрчуњак воопшто нема да може да смета на најкреативниот фудбалер во својот тим.

Како што информираат шпанските медиуми, Педри минал тешка ноќ проследена со дијареа и нагони за повраќање поради стомачен вирус, па поради тоа во последен момент отпаѓа од комбинација за дербито со Валенсија.

Барселона со официјално соопштение ја потврди оваа информација и ја објави листата на повикани фудбалери, на која го нема и Дани Олмо.

Офанзивниот фудбалер не стигна навреме да се опорави за денешниот меч со „лилјаците“, па сега останува да видиме каков ќе биде конечниот избор на Флик, кој веќе најави дека ќе направи неколку ротации за да одмори дел од фудбалерите.

Натпреварот меѓу Барселона и Валенсија се игра вечерва на „Монжуик“, а со истиот ќе биде затворена неделната програма во шпанската Ла Лига (21:00 часот).

Squad news❗
First-team player Pedri misses today’s game due to gastroenteritis. pic.twitter.com/QOEuYkh7OM

— FC Barcelona (@FCBarcelona) January 26, 2025