Панчев за големата победа на Македонија: Историски успех, ама дали Германците…

Победата на Македонија над Германија во квалификациите за Светското првенство во Катар и понатаму е топ тема во нашата, но и балканската јавност од проста причина што многу ретко се случува популарниот „елф“ да биде поразен на негов терен.

Четата на Ангеловски славеше со 2-1 во Дуизбург со погодоците на Горан Пандев и Елиф Елмас, резултат за кој свој коментар даде нашата легенда Дарко Панчев. Панчев го честита историскиот триумф, но воедно се одлучи да постави под прашање за славјето против повеќекратниот европски и светски шампион.

-Тоа е историски успех. Секоја чест за момците. Како и зошто дојде до тоа, тоа е веќе за подлабока анализа. Дали Германците им дозволија на нашите или нашите дојдоа сами до тоа, -истакна популарниот Кобра за „Вечерње Новости“.