Одредени датумите и за натпреварите во ФА Купот

Откако беше одредено кога ќе продолжат натпреварите во Премиер лигата, во Англија се одредија датумите и за натпреварите кои преостанаа до крајот во ФА Купот.

Многумина се на ставот дека и Фа Купот мора да го дочека својот крај затоа што тоа е најстарото англиско натпреварување со традиција од околу 150 години.

Според најавите, се очекува четвртфиналните натпревари од ова натпреварување да се одржат на 27 јуни.

Полуфиналињата се закажани за 11 јули, додека финалето ќе биде на 1 август, една недела по крајот на сезоната во Премиер лигата.

– Задоволни сме што се договоривме за датумот за рестарт на ФА Купот. Наптреварувањето е важен дел од англискиот фудбалски календар речиси 150 години и ние сакаме да и се заблагодариме на Премиер лигата за нивната поддршка во составувањето на календарот, -изјави меѓу другото, Марк Балингем извршниот директор на натпреварувањето.

Во четвртфиналните натпревари ќе се сретнат екипите на Лестер- Челси, Њукасл- Манчестер Сити, Шефилд Јунајтед- Арсенал и Норвич- Манчестер Јунајтед.