Новак освои сензационален поен, двојката Ѓоковиќ-Кирјос тргна победнички (Видео)

Турнирот во Бризбејн привелече големо внимание поради добрата најава која ја направија Новак Ѓоковиќ и Ник Кирјос, тенисери кои решија за првпат во кариерите заедно да настапат на едно официјално натперварување.

Откако ги поправија односите, Ѓоковиќ и Кирјос започнаа една симпатична тениска романска во „белиот спорт“, а истата денеска кулминираше со прв заеднички меч во Бризбејн.

Двојката Ѓоковиќ-Кирјос отвори победнички и успеа да го совлада парот составен од Ерлер и Мајс, со тоа што на теренот се гледаше вистинска тениска драма.

Ник и Ноле пропуштија убави шанси да го затворат мечот со 2:0, па откако Австриецот и Германецот израмнија на 1:1 преку тајбрејкот, се влезе во супертајбрејк завршница.

Овој дел им припадна на Ѓоковиќ и Кирјос со 10:8, па така двајцата се пласираа во осминафиналето на турнирот во двојки во Бризбејн.

Novak Djokovic, ladies and gentlemen.

He’s back. 🔥pic.twitter.com/VRhSuPEpkp

— Danny 🐊 (@DjokovicFan_) December 30, 2024