Нова сезона, стара приказна: Хаос и прекин на „вечното дерби“, полицијата ги чисти трибините

ВЕчното дерби во македонската кошарка секогаш предизвикува посебно емоции и кај навивачките групи, но за жал, еуфоријата и страста обично секогаш ги надминуваат границите и повторно видовме прекин на дуел меѓу Работнички и МЗТ Скопје.

Големото дерби во македонската кошарка донесе нов хаос и остави лоша слика за нашата кошарка во регионот, бидејќи хаосот кој го предизвикаа „Сити парк бојс“ и „Фемили“  за малку можеше да заврши и лошо по играчите на гостинскиот тим.

Една од фрлените петарди пука на неколку метри од кошаркарите на МЗТ Скопје, а бидејќи пропратно на теренот завршија и ленти и други предмети, судиите и делегатот го прекинаат мечот.

Кошаркарите на двата тима беа испратени во соблекувална во СРЦ Кале и засега не се знае кога ќе продолжи пресметката, бидејќи сериозна работа има и полицијата која треба да ги отстрани „Сити парк бојс“ и „Фемили“ од трибините.

Планот е дербито да продолжи да се игра без навивачи, а по 13 минути на паркетот, МЗТ има предност со убедливи 30:13.