Нов случај во Италија: Играч на Милан под истрага за обложување

Веќе некое време во Италија актуелен е скандалот со нелегално обложување при што како што е познато казни, суспензии добија Николо Фаџоли и Сандро Тонали, поточно тие беа суспендирани на седум и десет месеци.

Уште неколку познати имиња беа поврзувани со оваа тема, а меѓу нив е и Николо Ѕаниоло за кого се уште трае истрагата со тоа што тој посочил дека користел апликации само за игри како видео покер и блек џек, наместо да се обложува на спорт.

Последните вести кои доаѓаат од Италија говорат дека се отвара истрага и за членот на Милан, Алесандро Флоренци. Медиумите пренесуваат дека Флоренци ќе биде во Торино во текот на следните неколку дена за да даде исказ, објаснување дали ги прекршил правилата.

Наводно слуачјот на Флоренци е сличен на оној со Ѕаниоло, па и казната би била поблага во однос на оние на Тонали и Фаџоли.

Поголем проблем може да биде ако се открие дека апликациите или сајтовите што се користеле за коцкање биле нелегални.