Поврзете се со нас

Европски првенства

Незаборавни спомени од „Јохан Кројф арена“: Пандев го одработи последниот тренинг пред завршниот фудбалски танц! (Фото)

Објавено

на

Фото:ФФМ

Горан Пандев стави крај на сите дилеми и самиот нагласи дека утре го игра последниот натпревар во дресот на македонската фудбалска репрезентација, објава со која побуди многу емоции кај страствените фанови на селекцијата кои со години уживаа во играта на големиот мајстор од Струмица.

Популарниот Гоче не можеше да замисли поидеално сценарио за да стави крај на репрезентативната кариера, па така последниот настап на македонскиот тим на историското прво Европско првенство, ќе биде и последен настап за Пандев во црвено-жолтиот дрес.

Пандев им посака многу среќа на своите соиграчи во иднина и посака да ја одведат Македонија и на Светско првенство, но пред да се случи тоа, побара од нив да уживаат на последниот меч кој утре го играме во Амстердам.

„Јохан Кројф арената“ ќе биде сведок на последниот фудбалски танц на Пандев во дресот на Македонија, а дали ќе биде и последен во неговата играчка кариера, искусниот напаѓач најави дека дополнително ќе објави.

Последниот тренинг на Македонија пред натпреварот со Холандија мина во знакот на капитенот и селекторот Игор Ангеловски кој исто така најави заминување, па истиот беше одбележан со заедничка фотографија која овековечува едни незаборавни спомени на оваа историска македонска фудбалска генерација.

Реклама
Реклама
Реклама

Популарни