Неверојатна трка на 100 метри: Новата спринтерска кралица е од Света Луција! (Видео)

Света Луција е островска држава од Средна Америка и брои само 160 илјади жители, но денеска цел свет дозна за атлетискиот бисер кој го има оваа земја од Карибите во женска конкуренција.

Американките влегоа како фаворитки за златен медал во трката на 100 метри, но нова олимписка кралица на спринтерската делница е Џулиен Алфред од Света Луција.

Младата 23-годишна атлетичарка притигна на Олимписките игри во Париз како светски шампион во сала на делницата од 60 метри, но денеска испиша историја со најдоброто издание во кариерата.

Алфред тргна како „молња“ уште од самиот старт и убедливо и со голема самодоверба мина прва низа целта, издание со кое го донесе првиот олимписки медал со Света Луција во историјата.

Емоциите и солзите кои ги имаше на себе по освоениот златен медал доволно говореа за тоа каков успех оствари Алфред, која во денешната трка беше подобра од Американките Шакари Ричардсон и Мелиса Џередсон.