Нето со атрактивен гол спречи радост на Арсенал во лондонското дерби (ВИДЕО)

Челси и Арсенал одиграа без победник 1-1 во средбата со која се затвори 11. коло во англиската Премиер лига.

Овие лондонски пресметки секогаш се борбени, интересни, носат возбуда, а овој пат двете екипи мораа да се задоволат со по еден бод.

Првиот дел донесе гол за „топчиите“ во 32 минута, но со помош на ВАР беше утврден офсајд поради што беше понишетн погодокот на Хаверц. Почетниот резултат беше активен до 60 минута кога Мартинели на асистенција на Одегард го матираше Санчез.

Домаќините одговорија на предизвикот и тоа 10 минути подоцна кога Нето со мајсторски прецизен удар го запали „Стемфорд Бриџ“. Други промени на резултатот немаше иако имаше шанси, полушанси за двете екипи.

„Сините“ и „топчиите“ сега имаат по 19 бода исто како Нотингем Форест и Брајтон.