Нема место во Арсенал: Илиев повторно ќе брани во Словачка

Повремениот македонски репрезентативец, Дејан Илиев и во новата сезона нема да добие шанса во Арсенал и одново заминува на позајмица и тоа во Словачка во екипата на Серед.

Ова за струмичанецот ќе биде втор престој во тамошниот прволигаш со оглед на тоа што во натпреварувачката 2019/20 бранеше на 18 мечеви во Фортина лигата. Се очекува Дејан тука да биде прва опција, да влезе во потребниот натпреварувачки ритам по епизодите кои ги имаше во  Јагиелонија и Шрузбери.

Илиев има 26 години и неговиот договор со Арсенал истекува на 30 јуни 2022  и навистина е прашање дали пак ќе се врати во клубот од северен Лондон, клуб од кој е дел од 2012 година.