Нема крај на ремонтот: Вардар го доведе и Фаустин Сењор

Вардар како клуб полека ги надминува и очекувањата на Гоце Седлоски, бидејќи наспроти најавените две-три засилувања од стартот на јануари, клубот од Скопје денеска му го донесе и четвртото во краток временски интервал.

„Црвено-црните“ целосно го променија играчкиот кадар за вториот дел од сезоната и пред заминувањето на подготовки во Анталија ги осигураа Мите Цикарски, Михал Пинтер, Георгије Јанкулов, Михаил Маневски, Димитар Тодоровски, Давор Талески и напаѓачот Едиз Спахиу, додека по одржаниот брифинг на стартот на јануари, беа ангажирани уште четири фудбалери.

По Михаил Талевски, Мислав Матиќ и Роџерс Мато, Вардар на тимот во Анталија го приклучува и Фаустин Сењор кој всушност е 11-то зимско засилување за првиот тим.

Станува збор за искусен 31-годишен фудбалер кој игра на позицијата стопер, а од кого се очекува да биде големо засилување во одбраната за Седлоски.

Последната клупска станица на Сењор беше турски Гиресунспор, додека ова ќе биде негово второ искуство во Македонија, бидејќи претходно ги бранеше боите на Шкупи.