Поврзете се со нас

Франција

Некогашното „Златно момче“ потпиша за ПСЖ за само 15 милиони евра: Тренерот Галтие ме натера да се развивам

Објавено

на

Foto:www.psg.fr

Ренато Санчес оваа вечер и официјално позираше со новите обележја во Франција, откако направи директен трансфер од Лил во редовите на актуелниот првак.

Португалецот кој во минатото ја освои наградата „Златно момче“ имаше многу потежок фудбалски пат од што многумина замислуваа, но откако во еден момент се најде во ќор-сокак, во Лил успеа фудбалски да се препороди, и тоа под водство на тренерот кој сега е лидер на новиот проект на ПСЖ.

Иако на почетокот на летото се чинеше дека е блиску до Милан, на крајот Ренато прави трансфер во ПСЖ за само 15 милиони евра, што прави да биде еден од поскромните ангажмани на клубот од престолнината во последните неколку години.

– Многу сум среќен за моето доаѓање во Париз. Последните денови беа многу важни за мене и моето семејство и сигурен сум дека го направив вистинскиот избор. Го избрав ПСЖ бидејќи сметам дека ова е вистинскиот проект за мене. Сакав да останам во Франција.

– Важен за мојата одлука беше и тренерот Галтие, тој ме натреа да се развивам како играч откако се приклучив во Лига 1. Заедно успеавме да ја освоиме титулата. Завршивме добра работа заедно и среќен сум што повторно ќе соработуваме. Секогаш е полесно кога повторно работите со некој кој го познавате, – вели Ренато Санчес.

Реклама
Реклама
Реклама

Популарни