Нејмар воодушеви со низа потези на второто деби во Сантош: Не очекував да дриблам до толку…. (Видео)

Нејмар се врати во Сантош и имаше ѕвезден пречек од страна на фановите на својот омилен клуб, но рано утрово дојде време и за второ деби во бразилскиот фудбал.

Големата суперѕвезда доби шанса во вторите 45 минути против Ботафого и го одигра цело второ полувреме, период кој беше доволен за да се најде во центарот на вниманието.

Поранешниот фудбалер на Барселона, ПСЖ и Ал Хилал очигледно беше крајно мотивиран за дриблинзи и фантастични потези, а од понуденото издание остана изненаден сам од себе.

– За малку ќе постигнев гол, но јасно е дека ми е потребна минутажа за да се вратам во форма. Потребни ми се натпревари бидејќи не сум 100 проценти подготвен.

– Сепак, не замислував дкеа ќе можам да трчам и да дриблам толку. Верувам дека за 4 или 5 натпревари ќе бидам далеку подобар. Сантош ќе биде многу подобар тим отсега натаму, – изјавил Нејмар по ремито (1:1).

Neymar jr starts his vol 2 story with santos against botafogo SP
Welcome back Ney pic.twitter.com/vME5LXvND2

— wassim🇩🇿 (@Wassimbarca23) February 6, 2025