Поврзете се со нас

АТП

Надал ќе брка историја во недела: Рафа ја мина претпоследната пречка во Мелбурн (Видео)

Објавено

на

Foto:twitter.com/AustralianOpen

Рафаел Надал во недела наутро по средноевропско време ќе се брои за својата 21-ва грен слем титула во кариерата, откако денеска во првото полуфинале на Австралија Опен ја мина претпоследната пречка на тенискиот турнир во Мелбурн.

Шпанскиот тенисер ја оправда улогата на благ фаворит и го победи Матео Беретини во тениска битка која траеше четири сета и речиси три часа (2:55), по што може да продолжи да сонува за своја втора грен слем титула во Австралија и рекордна 21-ва во кариерата.

Ова е огромен успех за искусниот Надал кој мина низ тежок период на крајот на 2021-ва година кога не знаеше дали и воопшто ќе може да продолжи да игра тенис, па поради тоа, не чуди фактот што со големи емоции и еуфорија ја славеше победата од 3:1.

Надал беше навистина брз во првите два сета кои ги доби за час и 29 минути игра со 6:3 и 6:2, но италијанскиот тенисер не се предаде и внесе неизвесност откако одговори со 6:3 во третиот сет.

Во четвртиот сет кој се покажа како последен, на Рафа доволен му беше само еден брејк за да го скрши отпорот, а потоа да го одбрани својот сервис и да го приведе мечот до крај со 6:3.

Шпанецот по шести пат во својата кариера ќе игра во едно големо финале на Австралија Опен, што прави неговиот 29-ти завршен меч на турнирите од големата четворка да биде поход кон рекордната 21-ва грен слем титула.

Реклама
Реклама
Реклама

Популарни