На повидок трансфер на нашиот интернационалец: Три руски гиганти се интересираат за Адеми

Македонскиот репрезентативец, Аријан Адеми ова лето би можел да си оди од редовите на Динамо Загреб. Капитенот на „модрите“ влезе во клинч со управата, но се налути и на навивачите кога го нападнаа дека бил еден од најгласните кои се споритвставија на кратењето на платите во Динамо Загреб.

Иако дотогаш изгледаше дека Адеми нема шанси да си оди од Динамо, сега шансите за такво нешто се доста поголеми.

Ваквата ситуација, како што пишува рускиот „Неваспорт“ ќе се обидат да ја искористат три руски гиганти.

Имено, за Адеми се интересираат ЦСКА Москва, Спартак Москва и Локомотив Москва кои одблиску ја следат целата ситуација околу нашиот репрезентативец.

За 29 годишниот Адеми претходно постоеше интерес и од екипи од најдобрите пет европски лиги, па се поставува прашање дали играчот од средниот ред би прифатил да направи трансфер во руската Премиер лига.

Едно е јасно, сега повеќе од било кога е поверојатно македонскиот репрезентативец да реализира одличен трансфер.