Мурињо во свој стил го коментираше контроверзниот пенал над Хамес: Ќе ви упатам само иронична насмевка

Екипата на Тотенхем не успеа да ги освои посакуваните три бода на гостувањето на „Гудисон Парк“ кај Евертон откако натпреварот заврши без победник, 2:2.

Гостите од Северен Лондон први дојдоа до водство преку Хари Кејн, но набргу по погодокот Серхио Рехулион направи пенал врз Хамес Родригез кој според многумина беше контроверзен затоа што немало голем контакт.

Сепак, веднаш штом Мајкл Оливер досуди пенал, шпанскиот дефанзивец воопшто не се бунеше на одлуката што дава за право да се верува дека навистина стартувал врз Хамес.

По натпреварот, Мурињо во свој стил одговори на прашањето што мисли за овој контроверзен пенал.

– Нема да коментирам. Во овој момент имајќи толку многу години искуство само ќе се насмевнам. Ќе ви упатам ваква иронична насмевка и нема да коментирам ништо, -изјави Мурињо.