Мугуруза го испраќа Надал во пензија: Даде се што имаше…

Рафаел Надал одлучи да се повлече од Лејвер Купот во Берлин и со тоа уште еднаш ги растажи тениските фанови кои дефинитивно посакуваат да го видат на теренот.

И понатаму останува неизвесно, отворено дали оваа 2024 година ќе биде последна за Рафа како активен играч во „белиот спорт“, а додека се чека негова одлука, став, поранешнката тенисерка број еден, Гарбиње Мугуруза му порача на сонародникот да замине во пензија.

-Подготвен е… Телото, мозокот, се… Време е и тој да ужива со своето дете! Го гледам цело време како се смешка со своето бебе. Го прашувам: „Зошто си уште на теренот? Оди дома, земи брод, оди во Мајорка. Мислам дека даде се што можеше, -порачува Мугуруза која многу рано реши да се повлече иако беше меѓу најквалитетните асови во светот на женскиот тенис.