Монца се спаси од пораз од Кремонезе, реакцијата на Галијани ја изнасмеа цела Италија (Видео)

Монца е во сигурната зона на табелата во Серија А и е далеку од тимовите кои се борат за опстанок, но Адријано Галијани навистина емотивно го доживеа денешниот меч против Кремонезе и стана вирален хит на чизмата.

Легендарниот оперативец на Милан веќе некое време е извршен директор во Монца, а како човек со таква улога, постојано ги следи натпреварите од вип ложата на трибините.

Кремонезе денеска поведе на гостувањето кај Монца преку Циофани и имаше добра шанса да запише втора победа во Серија А, но сепак до такво нешто не дојде.

Карлос Аугусто израмни на 1:1 на 21 минута пред крајот, но иако неговиот гол не беше воопшто атрактивен, истиот стана вирален поради реакцијата на Адријано.

Галијани имаше преемотивна реакција на трибините и покажа како ги доживува головите и на 78 години, па со тоа успеа да ги изнасмее сите фанови на италијанската Серија А.