Млад навивач на Сити имаше неверојатно барање од Меси, Фоден остана воодушевен (Видео)

Лионел Меси беше една од големите ѕвезди кои вчера истрчаа на „Итихад“ и кои се најдоа на удар од јавноста поради лошото издание на ПСЖ, но Аргентинецот го привлече вниманието и поради еден банер кој го имаше млад навивач на Манчестер Сити.

Најпознатите светски фудбалери знаат да бидат мета на навивачите и често се смислуваат оригинални пораки за да им се привлече нивното внимание, но овој фан на Сити сакаше да го искористи Аргентинецот за да стигне до друга посакувана цел.

Младиот фан на Сити всушност најмногу го посакува дресот на Фил Фоден, па имаше барање од Меси да го побара неговиот дрес и потоа да му го даде него.

– Меси, можел ли да го земеш дрсот на Фоден за мене, – гласи пораката на младиот фан, од која воодушевен остана играчот на Сити.

Фоден поради мала повреда не настапи на вчерашниот натпревар во Лигата на шампионите, но започна јавна иницијатива да се пронајде фанот кој го имаше овој банер на трибините.

😂 thanks for the support.. does anyone know this young fan?? https://t.co/OSeVbvLv6z

— Phil Foden (@PhilFoden) November 24, 2021