Миовски доби шанса во судиското продолжение, Џирона продолжи да губи во Примера (ВИДЕО)

Џирона игра многу лошо во последно време, а тоа вечерва го искористи и Хетафе кој го освои целиот плен на „Монтоливи“ во премиерниот натпревар од 24. коло во Примера.

Ова за клубот од Каталонија беше четврти пораз во последниве пет кола во шампионатот или вкупно шести на претходните седум меча ако се земат предвид и битките во Лигата на шампионите.

Уче во 3 минута донесе предност за Хетафе, предност која беше анулирана, избришана преку Ерера во 54 минута. Меѓутоа резервистот Мајорал донесе нова предност за гостите во 62 минута за да потоа Џирона и остане со играч помалку по исклучувањето на Ерера.

Домаќините и покрај тоа што имаа црвен картон се обидоа во преостанатиот дел да избегнат пораз, меѓутоа нивниот труд не донесе резултат. Нашиот Бојан Миовски влезе во судиското продолжение, ама тоа не беше доволно време за да направи нешто поконретно.

ОВДЕ погледнете ги головите.