Милвоки и Оклахома ќе се борат за пехарот во НБА Купот (ВИДЕО)

Милвоки Бакс и Оклахома Сити Тандер ќе играат во финалето на НБА Купот чија завршница се одржува во Лас Вегас.

Бакс и Тандер ги оправдаа фаворитиските улоги во пресметките со Атланта Хокс, односно Хјустон Рокетс.

Избраниците на Док Риверс ги добија „јастребите“ од Џорџија со 110:102. Милвоки подобра ја одигра завршната четвртина кога се решаваше победникот и дојде до последниот меч во ова натпреварување каде ќе излезе на мегдан со ОКЦ која беше подобра од „ракетите“ со резултат 111:96.

По тврдото прво полувреме, несвојствено за оваа ера на НБА (41:42 за Хјустон) работите се променија по одморот, двете екипи беа поефикасни со тоа што Тандер беше на повисоко ниво.

Гилџес-Александер беше лидер со 32 поени, 8 скока, 6 асистенции и 5 украдени топки, одлични беа Хартенштајн и Вилијамс кои додадоа по 21 и 20 кошеви, а еден помалку уфрли Дорт.

Шестмина играчи кај поразените беа двоцифрени, Томпсон беше најдобар со 19 поени. Финалето е закажано за 18 декември од 02:30 часот.