„Милионерите“ конечно „запалија“ на страна: Дортмунд во седмиот меч до прва победа надвор од „Сигнал Идуна Парк“ (ВИДЕО)

Борусија Дортмунд игра очајно на гостински терен во тековната сезона во Бундеслигата каде вечерва конечно дојдоа до прва победа и тоа дури во седмиот натпревар.

Избраниците на Нури Шахин проработеа во соочувањето со Волфзбург кое го добија со 3-1. Клучни беа фуриозните пет минути од 25 до 30 кога Мален, Бајер и Брандт стрелаа за убедливо водство од 3-0.

Домаќините ги вратија надежите во 58 минута преку Вавро, а од 62 минута имаа и играч повеќе по исклучувањето на Грос, меѓутоа тоа не го искористија и на крајот мораа спортски да му го честитаат триумфот на противникот.

Со 25 бода „милионерите“ се на шестото место на табелата.