Милан со пресврт до победа над Комо, Деле Али заработи црвен картон на дебито во Серија А (ВИДЕО)

Милан со нов пресврт дојде до нова победа во италијанската Серија А, овојпат против Комо кој падна на „Сан Сиро“ со резултат 2-1.

Во претходната рунда „росонерите“ се вадеа против Лече (3-2), додека пак вечерва пред своите гледачи мораа одново да се враќаат од негатива за да дојдат до посакуваните три бода.

Првиот дел беше решен со погодокот на Да Куња во 33 минута, истиот играч во 50 даде уште еден гол, но истиот беше поништен поради офсајд. Потоа дојдоа „минутите“ за Милан кој веќе во 53 израмни на 1-1 со голот на Пулишиќ.

Во 75 минута Рајндерс стралаше за предност на „црвено-црните“ која се покажа како доволна за 13. славје во сезоната. На овој дуел Деле Али дебитираше во Серија А, меѓутоа нема по добро да го памети затоа што заработи директен црвен картон по 10 минути на теренот.

Избраниците на Консеисао сега имаат 47 бода и се на 7. позиција на табелата.

ТУКА погледнете ги најубавите моменти.