Милан не се откажува: Остварени нови сериозни контакти со ѕвездата која разочара во Челси

Милан го донесе Шарл Де Кетелар како најголемо засилување во летниот трансфер период и младиот Белгиец е најскап трансфер во ерата на Паоло Малдини, но целта на актуелниот првак во Италија е да доработи уште неколку операции и да му понуди уште поконкурентен тим на тренерот Пиоли.

„Росонерите“ започнаа со задоцнување на трансфер пазарот бидејќи главниот оперативец Малдини го продолжи договорот во последен момент, но она што се одолговлекува цел месец, сега било повторно активирано од директорот на Милан.

Калчолигашот по секоја цена сака да добие супер-засилување во нападот од Премиер лигата, односно да го привлече фудбалерот кој разочара во Челси по трансферот направен од Ајакс пред две години.

Лондонските „сини“ веќе договорија трансфер на Тимо Вернер кој дојде во Челси во исто време со Хаким Зијеш, кој треба да биде следниот кој си заминува од „Стемфорд Бриџ“.

Крилниот напаѓач не е во плановите на Тухел и препорачано му е да си пронајде нова средина, а последните информации велат дека Милан повторно остварил контакти со фудбалерот и целта е да го доведе како големо засилување за сезоната во која ќе се брани титулата во Серија А.