Меси наброја четири играчи кои ќе се борат за „Златната топка“ и го заборави Белингам

Лионел Меси е вистински рекордер и освои осум „Златни топки“ во својата кариера, а последната му припадна поради светската титула на мундијалот во Катар.

Аргентинецот во тесна битка го доби Ерлинг Халанд и повторно го доби најпрестижното фудбалско признание, но претходно доби и една битка со втората најголема европска ѕвезда во овој момент, Килијан Мбапе.

Халанд и Мбапе се предодредени да се борат за „Златната топка“ во блиска иднина, но Меси смета дека во тој круг треба да се придодадат и Винисиус Жуниор и Ламин Јамал од Барселона.

– Кои играчи ќе се борат за „Златната топка“ во блиска иднина? Тоа може да биде убаво ривалство меѓу Халанд, Мбапе и Винисиус од Реал. Сепак, има многу други млади играчи кои допрва ќе дојдат.

– Сметам дека и Ламин Јамал од Барселона ќе има голема улога и ќе се бори за оваа награда во иднина. Многу веројатно ќе има играчи и за кои се уште не сме слушнале. Секогаш се раѓаат нови ѕвезди и сигурен сум дека пред нас е нова убава фудбалска ера, – изјави Меси за „Лекип“.