Мењан немаше работа, па мораше да се загрева додека неговите соиграчи градеа акција за гол (Видео)

Франција оствари историска победа и го декласираше Гибралтар со неверојтни 14:0, натпревар кој беше целосно едностран и на кој се играше фудбал само на една половина.

Французите беа навистина немилосрдни и ја наполнија до врв мрежата на аутсајдерот, кој вчера немаше ниту еден обид за шут и ниту еден директен шут кон голот на домаќинот.

Во Ница се гледаше фудбалска викторија и на крајот „триколорите“ славеа со 14:0, а најдобар приказ за тоа што се случуваше ни долови еден фан од трибините на „Алијанц Ривиера“ стадионот.

Еден француски фан снимаше што правел Мајк Мењан за време на долгите напади на својот тим, па во натпревар на кој немаше никаква работа и му беше многу здодевно, морал и да се загрева по вторпат.

На видеото се гледа како Мењан прави стандардни вежби за загревање додека трае акцијата на неговиот тим, што доволно говори за тоа колку Гибралтарците беа безопасни по голот на Франција.

You can tell Mike Maignan was extremely bored during France's 14-0 win over Gibraltar 😭😭💀 pic.twitter.com/KP3K18onxI

— The Football Crew (@ftblcrew_memes) November 19, 2023