Менди правеше чуда на голот и спречи да го видиме погодокот на сезоната во Премиер лигата (Видео)

Челси победи на гостувањето во близина во Лондон кај одличниот Брентфорд, пред се благодарение на неверојатниот Менди кој правеше чуда на голот оваа вечер на „Комјунити стадионот“ во англиската престолнина.

Голот на Бен Чилвел пред крајот на првиот дел му донесе значајна преднсот на фаворизираниот гостин, кој на крајот беше приморан грчевито да се брани и да се надева на спектакуларни одбрани од својот голман.

Томас Тухел вечерва имаше свој херој во името на Едуард Менди кој имаше неколку страшни одбрани во последните минути, од кои две беа навистина извонредни.

Менаџерот Франк најпрво се фаќаше за глава во 87-та минута кога Менди интервенираше храбро со глава, но дефинитивно, убедливо најдобра одбрана беше онаа во 93-та минута кога спречи да го видиме голот на сезоната во Премиер лигата.

Нордгард ја прими топката во шеснаесетникот и се одлучи за акробација, а иако неговите „ножички“ беа беспрекорно добри, следеше вонсериска одбрана на Менди кој го сочува својот гол, но и победата на Челси кој останува лидер на табелата со минималниот триумф.