НБА
Мелоун: Сите велат дека Џордан бил лош човек, ама да ви кажам…(ВИДЕО)
Заврши документарецот „Последниот танц“ во кој во 10 епизоди се говореше за Мајкл Џордан и шампионската генерација на Чикаго Булс од сезоната 1997-1998 година.
Секако во истиот имаше и многу други работи поврзани со Џордан кој беше централна фигура, се открија одредени работи кои не и беа познати на јавноста, па затоа има и многу различни коментари. Во документарецот се појавија многу познати имиња кои низ годините имале контакт со Џордан, биле дел од целото патување, но воедно имаше и такви кои одбиле да бидат дел од серијалот, да дадат интервју.
Тоа го откри режисерот Џејсон Хехир кој издвои двајца играчи-тоа се поранешните ѕвезди на Јута Џез, Карл Мелоун и Брајан Расел.
Секако ќе биде интересно да се види нивниот став за тоа што се случувало во битките со Џордан и Чикаго во тоа време, меѓутоа ќе мора да се почека на друга можност за тоа.
Сепак медиумите извадија едно видео од Мелоун снимене на почетокот на 2019 година во кое тој зборува за Џордан и финалето со Чикаго.
-Мајкл Џордан, Мајкл Џордан што друго треба да кажам, -вели Мелоун за тоа што за него значи името на легендата на „биковите“.
Запрашан за финалето од 1996 година и моментот кога Џордан му ја краде топката „Поштарот“ вели:
-Зошто? Зошто треба тоа да го правам? Ќе ти кажам една работа, јас сум маж и ја прифаќам одговорноста што не победивме. Игравме против Чикаго Булс, не против Џордан. Имам голема почит кон Мајкл, ама никогаш не сметав дека играме против Џордан, играв против Чикаго.
-Сите велат дека овој човек беше лош човек и сето тоа. Јас им оддавам почит, ама и јас бев кучкин син. Така гледам на тоа, јас сум тој. Можеби кога ќе остарам ќе гледам поинаку на тоа, ама сега гледам така на тоа, -порача иконата на Јута Џез.
Now we know what Karl Malone thinks of Michael Jordan pic.twitter.com/Q7a7QdFHZp
— E60 (@E60) May 20, 2020
-
Македонијапред 17 часа
Давидовски на Валелунга ја започнува седмата сезона во ТЦР Европа
-
Лига на шампионипред 22 часа
Касемиро призна дека страдал гледајќи го четвртфиналето на „Итихад“: Реал има среќна ѕвезда!
-
Англијапред 22 часа
Фабрегас воодушевен од еден играч на Јунајтед: Треба да се гради тим околу него
-
Англијапред 20 часа
Швајнштајгер со совет за Рашфорд: Би сакал да го видам во друг тим
-
Германијапред 9 часа
Муслиу со гол со глава ја завери победата на Падерборн (ВИДЕО)
-
Балканпред 23 часа
Крстовски со атрактивен волеј погодок донесе победа за Домжале (ВИДЕО)
-
Италијапред 21 час
Пиоли џентлменски по елиминацијата на Милан: Подобриот тим е во полуфиналето
-
Англијапред 21 час
Мартинез по контроверзната ноќ во Лил: Не ги разбирам овие правила