Мбапе со мајсторски дриблинг го насамари Милитао и постигна гол (Видео)

Килијан Мбапе ја затвори првата недела како дел од тренинзите на Реал Мадрид, а специјализираните новинари за известување од Валдебебас го пренесоа и хајлајт моментот од изминатите неколку дена.

Францускиот напаѓач е најголемото и најзвучно засилување кое го добива Реал Мадрид во последните неколку години, па јасно е дека сите очи се вперени во него во изминатите неколку дена.

Мбапе ги мина првите тренинзи со големите ѕвезди кои веќе се навикнаа на успеси во Реал, а искусните стопери брзо сфатија каква работа ќе си имаат со Французинот.

Килијан успеал да му продадее еден брилијантен дриблинг на Едер Милитао на еден од последните тренинзи, на кои Бразилецот изгледал немоќно како ретко кога.

Мбапе бравурата ја зачинил и со постигнат гол, со што дополнително му дал значење на потегот.

Just days before the European Supercup final, Eder Militao is still looking for his dignity. #Mbappe #RealMadrid pic.twitter.com/BnU3ivZlhG

— Football España (@footballespana_) August 12, 2024