Матеус за две германски ѕвезди: Тие се светска класа, но не можат да играат заедно

Лотар Матеус е редовен гостин во студиото на германски „Скај“ и ја извршува својата задача како угледен аналитичар, а како таков, често знае да биде доста критички настроен кон најважните и најискусните играчи во репрезентацијата.

Германската легенда во последно време влезе во вербална расправија со Томас Тухел поради критиките кои ги упатува кон Баерн, но сега дојде ред на репрезентацијата која го претрпе првиот пораз во ерата на Нагелсман.

Германија на домашен терен во Берлин загуби од Турција со 2:3, а Матеус по разочарувањето излезе со заклучок кој предизвика дебата во цела јавност.

– Гундоган и Кимих не можат да играат заедно во ист тим. Тоа го видовме на Светското првенство, едноставно не функционираат кога се блиску еден до друг.

– Тие се премногу слични и не успеваат да се надокнадат. Двајцата се играчи од светска класа, но не функционираат заедно кога се толку блиску на теренот. Еден од нив треба да игра со Паскал Грос или со Леон Горецка, – изјави Матеус.