Малдини: Постои само еден клуб кој е поголем од Милан

Реал Мадрид уште еднаш мина добро во дуел против Аталанта и оствари четврта победа во низа против италијанската „божица“, а тоа пристигна во момент кој беше круцијален за „кралскиот клуб“.

Реал имаше императив да брка победа после лошите резултати во воведните пет рунди, па со изданието вчера во Бергамо само потврди дека никогаш не смее да се отпише во најелитното натпреварување.

Европскиот шампион успеа да се искачи на табелата и сега има и шанси да се надева за директен пласман во топ 8, а додека се прават математики за тоа што може да се случи во завршните две рунди, Паоло Малдини излезе со еден интересен заклучок за двата најтрофејни клубови во Европа.

Легендарниот капитен на Милан порача дека само еден клуб е поголем од неговиот, а тоа признание му го предаде на Реал Мадрид.

– Има само еден поголем клуб од Милан, тоа е Реал Мадрид. Реал Мадрид е најголем клуб во светот, а Милан е на второто место. Реал отсекогаш на најдобар можен начин го претставувал својот идентитет. Луѓе како Флорентино Перез и Емилио Бутрагењео прават идентитетот на Реал посебно да добива на значење, – потенцира Малдини.