Макпетрол: Реновирана и модернизирана бензинската станица на влезот во Прилеп

Инвестицискиот циклус на „Макпетрол“ АД продолжува со нови подобрувања и осовременувања на својата мрежа на услужни објекти. Овојпат, 80 милиони денари се вложени во реконструкција на бензинската станица на влезот од градот Прилеп.

Со цел да ги задоволи потребите на своите потрошувачи и да им овозможи квалитетно, сигурно и економично снабдување со нафтени деривати, гас и био горива, „Макпетрол“ АД, најголемиот дистрибутер на горива во државата, постојано инвестира во обнова на своите бензински станици како и изградба на нови.

Станицата во Прилеп сега доби современ и функционален изглед, при тоа задоволувајќи ги највисоките пропишани технички и безбедносни нормативи. Достапност кон квалитетните производи и услуги потрошувачите имаат во текот на 24 часа, секој ден во неделата.

На бензинската станица се достапни сите квалитетни горива од фамилијата ULTRA на „Макпетрол“, вклучувајќи ги метанското гориво и течниот нафтен гас за возила, а во продажниот објект на бензинската станица на потрошувачите им стои на располагање широк избор на производи од дополнителниот асортиман.