Македонија поразена од Чешка на третиот натпревар на ЕП

Женската ракометна репрезентација на Македонија до 19 години го доживеа третиот пораз на Европското првенство во Црна Гора.

Денеска бевме поразени од селекцијата на Чешка со 41:24, селекција која е највалитетна во нашата група затоа што претходно ги суреди Унгарија и Полска.

Ние бевме немоќни на ова соочување на кое фаворитот ги реши сите дилеми околу победникот во воведните 30 минути во кои избори предност од осум разлика (18:10). По одморот ракометарките од Чешка дополнително додадоа гас користејќи ги сите слабости во играта на Македонија и на крајот славеа со дури 17 голови.

Миленкоска со 5 и Тодоровска со 4 гола беа најефикасни во нашиот табор.

Избраничките на Симовски сега ќе играат натпревари за подобар пласман на ЕП.