Mакедонија ја прегази Норвешка и обезбеди место во квалификациите за ЕП

Македонската кошаркарска репрезентација обезбеди место во главните квалификации за Европското првенство кое е на програмата во 2025 година.

На избраниците на Александар Јончевски им беше потребна победа во Осло над Норвешка за да го обезбедат првото место во групата Д, победа која ја остварија со 38 разлика (79-41).

Нашата селекција доминираше од почеток до крај, ги доби сите четири четвртини и со учинок 5-1 ја завери првата позиција во конкуренција на Словачка, Данска и вечерашниот противник.

Шортс со 22 поени, 6 скока и 5 асистенции беше наш најдобар играч, најголема поддршка му беше Стојановски со 16 поени, додека по 9 уфрлија Маслинко и Магдевски. Кај поразените единствен двоцифрен беше Фреј со 10 кошеви.