Македонецот во елемент: Костески блескаше и му донесе Куп трофеј на Плзен

Тимот на Талент Плзен го освои трофејот во Купот на Чешка, успех за кој голема заслуга има македонскиот интернационалец Никола Костески.

Составот на Плзен во големото финале во Прага ја совлада Карвина со 34-30 и тоа во средба во која Костески беше прв стрелец. Имено десното крило беше автор на осум голови со што уште еднаш потврди дека игра сезона на највисоко ниво.

Кога е во прашање самиот меч истиот се решаваше во вториот дел во кој се влезе со резултат 18-18, односно по паузата Плзен се покажа како подобар, поквалитетен тим кој дојде до посакуваниот резултат, односно ја одбрани Куп титулата од минатата кампања.

Плзен бележи одлични резултати и во домашниот резултат каде целта е исто да се дојде до триумф што би значело комплетирање на трофеите или поточно совршена сезона.