Мајсторска акција на Борусија, карантинот не го наруши убиствениот инстинкт на Халанд (Видео)

Борусија Дортмунд има водство од 2:0 по првите 45 минути игра на рурското дерби кое се игра во специјални услови поради коронавирусот, но чудните околности не го спречија Ерлинг Халанд да продолжи онаму каде што застана пред два месеци.

Талентираната вундеркинд експресно докажа дека ниту долгиот карантин не може да го наруши неговото убиствено чувство за постигнување голови, па така во улога на гол мајстор ја смести топката во мрежата на Шуберт по 29 минути игра на „Сигнал Идуна парк“.

Акцијата на „милионерите“ беше навистина фантастична, бидејќи пред проигрувањето за асистенција кое го имаше Торган Азар, шмекерски потег изведе Брандт кој направи голема разлика во дадената ситуација.

Во продолжение, на висина на задачата беше талентираниот Халанд кој воедно го постигна и првиот гол по рестартот на првата германска Бундеслига.

Пред крајот на првиот дел, во листата на стрелците се запиша и Гереиро по една продадена топката од голманот Шуберт.