Магичен поен од Французинот: Муте режираше тениско чудо во Мајами (Видео)

Корентан Муте и Алехандро Табило режираа вистински трилер во втората рунда на Мастерсот во Мајами, а ако победата му припадна на Чилеанецот, потегот на мечот дефинитивно замина на страна на Французинот.

После макотрпна и долга битка на теренот, Табило славеше со 5:7, 6:3 и 7:5, меѓутоа цела тениска јавност посебно внимание посветува на потегот кој го режираше Французинот.

Муте важи за тенисер кој често знае да се одлучи за нелогични и чудни потези на теренот, но овојпат режираше магија од која застанува здивот.

Кога сите очекуваа едноставен волеј и префрлање на топчето во противничкото поле, Муте смисли лажен удар и ги фрапираше сите присутни на трибините, каде мора да се признае дека владееше фудбалска атмосфера во текот на целиот меч.

Иако на крајот испадна, Коренатан достави кандидатура за поен на турнирот во Мајами, а можеби и за еден од најоткачените во оваа 2025-та година.

Miraculous Moutet 🙌@moutet99 taking cheeky to the next level. #MiamiOpen pic.twitter.com/XGo5tE1y46

— Tennis TV (@TennisTV) March 21, 2025