Луис Енрике го прекина новинарот и излезе со прва изјава за повредата на Мбапе (Видео)

ПСЖ покажа дека знае да игра и без Килијан Мбапе, бидејќи синоќа на големото „Класико“ против Марсеј славеше со 4:0 во ситуација кога најголемата ѕвезда го напушти теренот поради повреда.

Францускиот напаѓач поради удар во зглобот го заврши мечот уште во 30-та минута при резултат 1:0, но и без него на теренот, момците на Луис Енрике покажаа дека вредат.

„Светците“ постигнаа уште три гола и го решија победникот на „Паркот на принцовите“, а Луис Енрике во првото интервју на теренот ги стивна стравувањата и посочи дека повредата на првата ѕвезда не е сериозна.

Новинарот му нагласи на Лучо дека единствено лоша вест од мечот е повредата на Мбапе, по што тренерот на ПСЖ возврати.

– Да, но не е ништо страшно. Не се работи за сериозна повреда, доби само удар и болките го оневозможија да остане на теренот. Се на се, перфектен натпревар, најдобар откако сум јас тука. Потребен ни беше стимул, а очигледно го пронајдовме на „Класико“ дуелот против Марсеј, – изјави Лучо.

Luis Enrique : « La blessure de Kylian Mbappé semble bénigne. »
pic.twitter.com/2TedfW082t

— Paris_SGINFOS (@Paris_SGINFOS) September 24, 2023