Лудо судиско продолжение: Јунајтед поведе во 96 минута, ама не победи во Лондон (ВИДЕО)

Екипите на Брентфорд и Манчестер Јунајтед ги поделија бодовите на последниот натпревар кој вечерва се одигра во Премиер лигата.

Иако домаќините беа далеку поконретни кога е во прашање нападот и упатените удари (31/11) на крајот беа токму тие кои се спасуваа од пораз на соочувањето во Лондон.

Бретфорд трипати ја погодуваше рамката од голот на Онана, а во 73 минута иако го матираше Камерунецот погодокот на Тони не беше признаен поради недозволена офсајд ситуација.

Длабоко во судиското продолжение се случија најважните моменти, па така во 96 минута резервистот Маунт донесе голема радост кај „црвените ѓаволи“. Многумина помислија дека ова ќе биде доволно за гостите да ги освојат сите три бода, меѓутоа четата на Томас Франк не се откажа и во 99 минута дојде до 1-1 преку Ајер.

Ова за Брентфорд е 27 бод, Јунајтед има 48, но е се подалеку од посакуваната цел, место во ЛШ.