Ливерпул мора да прифати еден непопуларен услов за да се ослободи од Киеза во јануари

Федерико Киеза не доби нов договор од Јувентус и беше ослободен од Тиаго Мота поради неговата билтен историја со непријатни повреди, пракса која за жал продолжи да го прогонува Италијанецот и по трансферот во Англија.

Крилниот напаѓач кој беше еден од најдобрите играчи на Европското првенство вo 2021-ва година не е истиот по тешката повреда на коленото, а засега неговиот престој во Англија е во најмала рака кошмарен, бидејќи Киеза одигра само 123 минути распределени на четири натпревари.

Киеза не успеа да се наметне кај Арне Слот и причина за тоа се и повредите кои се провлекуваат, но јасно е дека голем проблем му претставува и аклиматизацијата во Англија.

Сите овие причини прават Киеза повторно да биде активен на трансфер пазарот, а англиските медиуми тврдат дека самиот тој побарал да си замине уште во јануари, бидејќи не гледа како би ја променил својата ситуација во Ливерпул во вториот дел од сезоната.

Според информациите, три елитни клубови од Италија би му ја отвориле вратата на Киеза и би му подале рака во јануари, но за да се случи трансфер, Ливерпул ќе мора да се согласи на еден непопуларен потег.

Рома, Милан и Наполи не го кријат интересот за Киеза, но во овој момент, ни приближно не планираат да му ја обезбедат платата која ја добива во Ливерпул.

Киеза си договори 7,5 милиони евра по сезона во Ливерпул, па оваа зима ќе се врати назад во Италија на позајмица само ако англискиот клуб прифати да исплати барем половина од платата која му е загарантирана според договорот.