Легендарниот Квадрадо ќе заигра за шести клуб во Серија А (Видео)

Хуан Квадрадо имаше кратка епизода во Интер и после само една сезона повторно стана слободен агент, откако претходно дури шест години беше дел од Јувентус.

Искусниот колумбиски фудбалер и во 36-та година од животот е доволно атрактивен и имаше неколку понуди од италијански клубови, но на крајот ја дочека онаа најамбициозната од Аталанта.

Клубот од Бергамо реши да го ангажира Квадрадо и да му отстапи простор во тимот на Џан Пјеро Гасперини, кој во последно време се навикна да биде дел од елитата во италијанскиот фудбал.

Колумбиецот добива едногодишен договор и во моментиве ги мина медицинските тестови, па јасно е дека трансферот ќе биде официјалнизиран во наредните неколку часа.

Аталанта ќе биде шести клуб кој ќе го претставува Квадрадо во Серија А, бидејќи претходно настапуваше за Удинезе, Лече, Фиорентина, Јувентус и Интер.

𝐀𝐭𝐚𝐥𝐚𝐧𝐭𝐚, 𝐯𝐢𝐬𝐢𝐭𝐞 𝐦𝐞𝐝𝐢𝐜𝐡𝐞 𝐩𝐞𝐫 𝐂𝐮𝐚𝐝𝐫𝐚𝐝𝐨⚫️🔵

Questa mattina Juan Cuadrado è alla clinica La Madonnina per svolgere le visite mediche di rito con l’Atalanta #sportitalia #cuadrado #atalanta pic.twitter.com/3A2Ph1137M

— Sportitalia (@tvdellosport) August 26, 2024