Легендарниот Јорк му предложи две големи фудбалски ѕвезди на новиот газда Ретклиф

Сер Џим Ретклиф почна со регрутација на директори и веќе си договори нов извршен и спортски директор, и тоа во добри познати имиња од Манчестер Сити и Њукасл.

Омар Берада и Дан Ашворт од почетокот на летото ќе работат во Манчестер Јунајтед и ќе бидат одговорни за најважните трансфер операции кои ќе ги активира клубот, а бидејќи станува збор за период во кој ќе се очекуваат доста промени, легендите почнаа да даваат свои предлози за тоа во кој правец треба да се развива политиката.

Двајт Јорк му предложи два интересни трансфери на новиот косопственик на Јунајтед, за кого се верува дека ќе го одврзе ќесето и дека ќе донесе нови атрактивни имиња за спортскиот проект.

– Сметам дека на Јунајтед се уште му недостасува добра „деветка“, некој со поголемо искуство во Премиер лигата. Според мене, играч како Сон ќе биде брилијантен за Јунајтед. Тој не е како Хари Кејн, но се уште има многу енергија и креира и постигнува многу погодоци. Играч како него треба да биде атрактивен за Јунајтед.

– За да донесе ваков калибар на играчи, Јунајтед мора да се пласира во Лигата на шампионите. Покрај во нападот, сметам дека треба освежување и во средниот ред. Де Јонг би бил извонреден ментор за Маино, тоа би била извонредна комбинација на средината на теренот. Де Јонг би бил „Икс-фактор“ во средниот ред на Јунајтед, ќе донесе потребна креативност и голема свежина со својата напорна работа. Комбинација со него и Маино би била извонредна за следната сезона, – смета легендарниот Јорк.