Легенда на Милан: Ова е раскрница на сезоната…

Милан иако се мачеше дојде до трите бода на соочувањето со Верона во Калчо лигата, па со победа ќе влезе во реваншот со Феенорд во Лигата на шампионите.

„Росонерите“ го загубија првото соочување во Ротердам со 1-0 и сега се пред значаен предизвик во кој минимална победа ќе им донесе продолжение можеби и пенали, додека повисока победа пласман во осминафиналето на елитното натпреварување.

-Тие победија на домашен терен со тесен резултат против тим кој се бори за опстанок, со значителна техничка празнина меѓу нив. По поразот во Ротердам, обезбедувањето три бода беше неопходно за да се испрати порака. Натпреварот во вторник е исклучително деликатен, раскрсница за сезоната. Се надевам дека Милан ќе ја надмине оваа пречка, -истакна легендата на „црвено-црните“, Роберто Донадони.

-Јас сум убеден дека Милан ќе се пласира понатаму, но само ако има промена на темпото; инаку, за неколку дена ќе се најдеме како ги водиме истите дискусии како на почетокот на сезоната, -додаде Италијанецот.

Реваншот Милан-Феенорд е закажан за утре од 18:45 часот.