ЛеБрон со „ѕверски“ настап ги воодушеви НБА фановите пет дена по 40. роденден (Видео)

ЛеБрон Џејмс 22 години е дел од најсилната кошаркарска лига во светот и одбележа една неверојатна ера во НБА лигата, дело кое продолжува да го надополнува и во петтата деценија од животот.

„Кралот Џејмс“ на 30-ти декември наполни 40 години и ја „раситни“ петтата деценија, но и во оваа фаза на кариерата покажува дека е доволно добар за да дели лекции во НБА.

Лос Анџелес Лејкерс рано утрово на домашен терен го совлада Портланд со 114:106, а ѕверски настап имаше токму ЛеБрон со 38 поени, 3 скокови и 8 асистенции.

Овој учинок беше клучен за прва победа на „езерџиите“ во новата 2025-та година, триумф во кој значајен учинок имаше и Кристи со 28 поени.

Победата над Портланд ЛеБрон посебно ќе ја памети и по израмнување на еден рекорд, бидејќи утрово го израмни рекордот на Мајкл Џордан на вечната листа по бројот на одиграни натпревари на кои забележале најмалку 30 поени (562).

LeBron James in the @Lakers W:

👑 38 PTS (15/25 FGM)
👑 8 AST
👑 7 3PM

LeBron ties Michael Jordan (562) for the most 30+ point games in NBA history. pic.twitter.com/G4SS3i1o2c

— NBA (@NBA) January 3, 2025