Леао покажа класа и со две оригинални реченици го поздрави Пиоли (Фото)

Милан вчера официјално го соопшти она кое веќе некое време се шушкаше во јавноста, односно и пренесе на јавноста дека тимот ќе има нов предводник во новата сезона.

Стефано Пиоли заработи отказ од клубот и така става крај на едно убаво патување, кое најмногу ќе се памети по освоената титула пред две години, кога Милан стави крај на сушата која траеше повеќе од една деценија.

Пиоли беше човекот кој го врати Скудетото на „Сан Сиро“, а Рафаел Леао како една од најголемите ѕвезди на тимот, денеска порача дека вечно ќе му биде благодарен на искусниот стручњак.

– Ти благодарам за се шефе. После 12 години, ти донесе огромна радост меѓу навивачите на Милан, а како резултат на тоа, твоето име се запиша во историските читанки.

– Ти благодарам што ми помогна моето име да влезе во фудбалска елита, и за тоа што ми помогна да си го пронајдам моето место во овој голем клуб. Секогаш ќе ти бидам благодарен, – порача Леао.

View this post on Instagram

A post shared by Rafael Leão (@iamrafaeleao93)